სასტუმროში, სადაც დღეს დილით ახალგაზრდა მამაკაცი გარდაცვლილი იპოვეს, სამეგრელო-ზემო სვანეთის გუბერნატორის მოადგილე ამჟამად არ ცხოვრობს. ,,ოდიშინიუსის,, ინფორმაციას სამეგრელო-ზემო სვანეთის გუბერნიის პრესსამსახურში გამოეხმაურნენ. სამსახურის ინფორმაციით, ირაკლი ჯიქია ,,რივერსაიდ ზუგდიდში,, მას შემდეგ დაბინავდა, რაც აღნიშნულ თანამდებობაზე დაინიშნა, თუმცა სასტუმროში ამ პერიოდში არ ცხოვრობს და მისამართი შეცვლილი აქვს. აღნიშულ სასტუმროში დღეს დილით გარდაცვლილი იპოვეს ახალგაზრდა მამაკაცი. გავრცელებული ინფორმაციით, გარდაცვალება ნარკოტიკული საშუალებების ზედოზირებამ გამოიწვია, თუმცა ექიმები ამ ფაქტს არ ადასტურებენ. ცხედარს ექსპეეტიზა ქუთაისის ბიუროში ჩაუტარდა.შსს ინფორმაციით, ცხედარს ძალადობის კვალი არ აღენიშნება. საქმე აღძრულია სსკ 115- ე მუხლით, რაც თვითმკვლელობამდე მიყვანას გულისხმობს.