ზუგდიდში ღორის გრიპის ვირუსით ახალგაზრდა მამაკაცი გარდაცვალების შესახებ გავრცელებულ ინფორმაციას არ ადასტურებენ ზუგდიდის რეფერალურ ჰოსპიტალში. ზუგდიდის მუნიციპალიტეტის საზოგადოებრივი ჯანდაცვის ცენტრის ხელმძღვანელის  ნანა ოდიშარიას თქმით, გარდაცვალების ფაქტი არ აქვთ. " ზუგდიდში H1N1 ვირუსით გარდაცვალების შემთხვევა არ ფიქსირდება, თუმცა ჰოსპიტალურად რაც არის დღეს ვირუსი, უმეტესობა არის ღორის გრიპი,  H1N1 -ის  დადასტურებული შემთხვევები გვაქვს და ამ პერიოდში სტატისტიკაც მომატებულია სეზონურად, თუმცა, რომ გითხრათ, წინა წლებთან შედარებით ძალიან გარზრდილი არ არის.  3 იანვრის მონაცემებით 5 პაციენტი მოთავსებულია  რეანიმაციაში, 1 ხელოვნურ ვენტილაციაზე, ანუ გვაქვს ამ შემთხვევაში ღორის გრიპის დიაგნოზი, გამწვავებული ფორმით, რაც შეეხება ლეტალურ შემთხვევას, ასეთი არ გვაქვს"- განუცხადა "ოდიშინიუსს" ნანა ოდიშარიამ. ზუგდიდის რეფერალური საავადმყოფოს კლინიკური დირექტორის სულხან ორჟონიას თქმით, მწვავე რესპირატორული ვირუსული ინფექციისთვის,გრიპისთვის დამახასიათებელი კლინიკური მოვლენებით ამჟამად მკურნალობას გადის 4  ავადმყოფი, ოთხივეს მდგომარეობა სტაბილურია.