ზუგდიდის მერიაში განმარტავენ, რომ მიკროსაფინანსო ორგანიზაცია "ლენდოს" ყაჩაღობისთვის დაკავებული ილია გოგილავას შრომითი ხელშეკრულება წლის ბოლოს შეუწყდა. მერიის ადმინისტრაციის უფროსის თენგიზ შანავას განცხადებით, ,რ ილია გოგილავას შრომითი ხელშეკრულება 31 დეკემბერს ამოეწურა. 52 წლის ილია გოგილავას საცხოვრებელი სახლის ჩხრეკისას სამართალდამცველებმა იარაღი და ნიღბები ამოიღეს. თავდასხმა ბანკზე 31 დეკემბერს მოხდა.
თავდამსხმელმა იარაღის მუქარით 1300 ლარი გაიტაცა. გოგილავას აღკვეთის ღონისძიების შეფარდებაზე რაიონული სასამართლო დღეს იმსჯელებს.