შეწყალების კომისია ზვიად ქორიძემ, ეკა გიგაურმა და კომისიის კიდევ რამდენიმე წევრმა დატოვა.
ზვიად ქორიძემ, რომელიც კომიიის თავმჯდომარე იყო, უკვე ჩააბარა პრეზიდენტის ადმინისტრაციას განცხადება კომისიიდან გასვლის შესახებ.
ანალოგიური გადაწყვეტილება უკვე მიიღო ეკა გიგაურმა, რომელმაც კომისიის დატოვების შესახებ ცოტა ხნის წინ სოციალურ ქსელშიც დაწერა.
“შეწყალების კომისიის განახლებას აპირებს პრეზიდენტიო, მაგრამ ერთი უზუსტობაა – მე ჯერ კიდევ მარგველაშვილის პრეზიდენტობის დროს, კომისიის ბოლო სხდომის შემდეგ ნოემბერში თავად დავწერე განცხადება ( კომისიის სხვა რამდენიმე წევრიც აპირებდა იგივეს თუ არ ვცდები ) და 5 წლიანი მუშაობის შემდეგ დავტოვე კომისია. ამიტომ ალბათ, უფრო შევსებას აპირებს პრეზიდენტი კომისიის განახლებასთან ერთად.
წარმატებას ვუსურვებ კომისიის ახალ წევრებს. ძალიან დიდი პასუხისმგებლობაა ამ კომისიაში მუშაობა, რადგან გადაწყვეტილებას იღებ იმაზე, მისცე თუ არა ცხოვრების ახლებურად გაგრძელების შანსი კონკრეტულ ადამიანებს ისე, რომ არ იცი ამ შანსს გამოიყენებენ თუ არა.
აქვე ძალიან დიდ მადლობა მინდა გადავუხადო ზვიად ქორიძეს! მგონია, რომ ის იყო ყველაზე გამორჩეული კომისიის თავმჯდომარე“, – აცხადებს გიგაური.მისივე თქმით, პრეზიდენტი არა განახლებას აპირებს კომისიის, არამედ შევსებას, რადგან მისი ინფორმაციით, სხვა წევრებიც აპირებდნენ კომისიის დატოვებას.