დაგროვებითი პენსია ქართულად – მომავალი პენსიისთვის ამოღებული ფული აღმოჩნდება მსხვილ ბიზნესში, ბანკებში და მას გამოიყენებს მთავრობა

0
402
„ევროპული საქართველოს“ წარმომადგენელი, დეპუტატი ზურაბ ჭიაბერაშვილი დარწმუნებულია, რომ დაგროვებითი პენსიის სისტემას გამაღარიბებელი ეფექტი ექნება, ხოლო პენსიონერები ღირსეულ პენსიას მაინც ვერ მიიღებენ.
 
როგორც ჭიაბერაშვილმა ტელეკომპანია „პალიტრანიუსის“ გადაცემაში „ნიუსრუმი“ განაცხადა, მთავრობამ ფული ძალდატანებით, ძირითადად ღარიბი მოსახლეობიდან უნდა მოაგროვოს. მისივე თქმით, ეს ფული აღმოჩნდება მსხვილ ბიზნესში, ბანკებში და მას გამოიყენებს მთავრობა.
 
„დაგროვებითი პენსიის სისტემა არის ძალდატანება, რომელიც ნებაყოფლობითობის პრინციპს გამორიცხავს. მთავრობამ დაგროვებითი პენსიის სისტემა შემოიღო, როგორც იძულებითი ფორმა – ადამიანებს აიძულოს დააგროვოს პენსია. ამ იძულებამ შეიძლება გაამართლოს, მაგრამ მთელი პრობლემა იმაშია, რომ სქემა, რომელიც შემოიღეს, არ იძლევა დამაიმედებელ რიცხვებს სიბერისათვის. მაგალითად, 40 წლის ასაკის ქალმა მასწავლებელმა, რომლის ხელფასი 500 ლარია და ხელზე 400 ლარს იღებს, როცა 20 წლის შემდეგ პენსიაზე გავა, ხელზე უნდა აიღოს 85 ლარი“, – განაცხადა ზურაბ ჭიაბერაშვილმა.
წინა სტატიაგედევან ფოფხაძე გაიწვიეს. ის ვერანაირ თანამდებობას ვეღარ დაიკავებს იურიდიულ კომიტეტში
შემდეგი სტატიაზაქარია მშიშარა კაცი არ არის – ასე პასუხობს ზაქარია ქუცნაშვილი კითხვას დაისჯება თუ არა განსხვავებული აზრის გამო?
ტელეკომპანია ოდიშის საინფორმაციო სამსახური