ახალი წელი მიულოცა მოსახლეობას საქართველოს კათოლიკოს პატრიარქმა. ილია მეორემ მრევლი დალოცა და ქვეყანას სიმშვიდე და სიყვარული უსურვა.
„გილოცავთ ახალ წელს. წმინდა მეფე, დავით წინასწარმეტყველი ამბობს, მაუწყე მე უფალო გზა. უფალი ჩვენი იესო ქრისტე ამბობს, მე ვარ გზა, ჭეშმარიტება და სიცოცხლე. ღმერთმა ინებოს, რომ ყოველი ცუდი წავიდეს ძველ წელთან ერთად. სიახლე, სიმშვიდე, მოთმინება, სიხარული, სიყვარული სუფევდეს საქართველოში და მთელს მსოფლიოში. კურთხევა უფლისა თქვენზედა, მისითა მადლითა და კაცთმოყვარებითა ყოვლადვე. აწ და მარადის და უკუნითი უკუნისამდე, ამინ,“ – ბრძანა ილია მეორემ.