2019 წლის 1-ელი იანვრიდან სახელმწიფო პენსია 20 ლარით იზრდება, რის საფუძველზეც ყველა პენსიონერი ყოველთვიურად, 180 ლარის ნაცვლად 200 ლარს მიიღებს.

 

ფინანსთა სამინისტროს ინფორმაციით, 20 ლარით იზრდება პენსია მათ შორის შშმ პირებისთვისაც, კერძოდ, მკვეთრად გამოხატული პირველი ჯგუფის შეზღუდული შესაძლებლობების მქონე პირები 180 ლარის ნაცვლად 200 ლარს მიიღებენ, მე-2 ჯგუფის შშმ პირები კი 100 ლარის ნაცვლად 120 ლარს. ამასთან, შშმ ბავშვები პენსიის სახით 180 ლარის ნაცვლად 200 ლარს მიიღებენ.