სირიაში საქართველოს მოქალაქე 14 წლის მუხმად ფარეულიძე დაიღუპა

0
406
სირიაში საქართველოს მოქალაქე 14 წლის მუხმად ფარეულიძე დაიღუპა. შემთხვევა 25 დეკემბერს ერთ-ერთი ავიაიერიშის დროს მოხდა. 
 
სახელმწიფო უსაფრთხოების სამსახურში ამ ფაქტს ადასტურებენ, თუმცა მომხდარის სხვა დეტალებზე, მათ შორის, ფარეულიძის ასაკზე და  დაღუპვის გარემოებებზე არ საუბრობენ.
 
არაოფიციალური ინფორმაციით,  გარდაცვლილი “ისლამური სახელმწიფოს” მებრძოლი იყო და  სამხედრო მოქმედებებში მონაწილეობის დროს დაიღუპა 
 
მედიაში გავრცელებული ინფორმაციით, მუხმად ფარეულიძე  სოფელ ბირკიანიდან არის და მშობლებთან ერთად სირიაში, სავარაუდოდ, 2014 წლის დასაწყისში წავიდა.
 
გარდაცვლილის მამა ახმად ფარეულიძე იყო თარხან ბათირაშვილის, იგივე “ჟღალი გენერლის” თანასოფლელი, ასევე, მისი უახლოესი გარემოცვის წევრიც. 2016 წლის ზაფხულში, როდესაც ავიაიერიშის დროს ბათირაშვილი დაიჭრა, მასთან ერთად ასევე დაიჭრა ახმად ფარეულიძეც, თუმცა მოგვიანებით ბათირაშვილი დაიღუპა, ფარეულიძე კი გადარჩა. ახმად ფარეულიძე დღემდე იბრძვის “ისლამური სახელმწიფოს” რიგებში
წინა სტატია,,ქართულ ოცნებაში” კეთდება პირველი განცხადებები ეკა ბესელიას მიერ იურიდიულ საკითხთა კომიტეტის დატოვებასთან დაკავშირებით
შემდეგი სტატია„ყოფილი პრეზიდენტი არის უპრინციპო და უსინდისო ადამიანი“- განაცხადა მეუფე პეტრემ
ტელეკომპანია ოდიშის საინფორმაციო სამსახური