მთავარისიახლეებისამართალისასამართლომ ლევან შონიას 5000-ლარიანი გირაო შეუფარდა. "ცხოვრებაში ქრთამი არ ამიღია" -აცხადებს იგი

სასამართლომ ლევან შონიას 5000-ლარიანი გირაო შეუფარდა. “ცხოვრებაში ქრთამი არ ამიღია” -აცხადებს იგი

Published on

საქალაქო სასამართლომ სამეგრელო-ზემო სვანეთის ყოფილი გუბერნატორის, ლევან შონიას აღკვეთის ღონისძიების შეფარდებაზე იმსჯელა.
პროკურატურა მოხელის მიერ კანონით აკრძალული საჩუქრის მიღების ფაქტზე ყოფილი გუბერნატორისთვის აღკვეთის ღონისძიების სახით 5 000-ლარიანი გირაოს შეფარდებას ითხოვდა, რაც სასამართლომ დააკმაყოფილა. 
 
პროცესს თავად შონიაც ესწრებოდა, თუმცა მან ჟურნალისტებთან კომენტარის გაკეთება არ ისურვა. ყოფილი მაღალჩინოსანი განსაკუთრებით "რუსთავი 2"- ის კითხვებმა გააღიზიანა. 
 
"არ გაგიკეთებთ კომენტარს" – ამბობს შონია, რომელმაც უპასუხოდ დატოვა კითხვა, ვინ ჩაურიცხა თანხა და როგორ გააფორმა ის საჩუქრად. 
მისი თქმით, "ცხოვრებაში ქრთამი არ ამიღია". 
 
"5 წლის განმავლობაში ლევან შონიას პოზიცია არ გაგიშუქებიათ, არცერთი პოზიტივი" – მიმართა სამეგრელო-ზემო სვანეთის ყოფილმა გუბერნატორმა ჟურნალისტს. 
 
ლევან შონიას ბრალი ოფიციალურად გუშინ წაუყენეს. მის მიმართ გამოძიება კანონით აკრძალული საჩუქრის მიღების ფაქტზე მიმდინარეობს. 
 
უწყების ცნობით, გამოძიებამ დაადგინა, რომ 2018 წლის მაისში, ლევან შონიას თხოვნით, მის მიერ მითითებული პიროვნების სახელზე, მისთვის გადასაცემად მოქალაქემ 10 000 დოლარი ჩარიცხა, რაც ლევან შონიას გადაეცა. 
ყოფილ გუბერნატორს შინაპატიმრობა, ან ორ წლამდე თავისუფლების აღკვეთა ელოდება..

სიახლეები

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...

ივანიშვილის ოჯახის წევრებმა უნდა მიიღონ სანქციები და განიდევნონ დასავლეთიდან – უილსონი

ჰელსინკის კომისიის თავმჯდომარე პლატფორმა X-ზე ივანიშვილის ოჯახის წევრების სიას აქვეყნებს და წერს, რომ ისინი...

ლაშა გაბიტაშვილს ნიღბიანები თავს დაესხნენ და ფიზიკურად გაუსწორდნენ

ლაშა გაბიტაშვილს თავს დაესხნენ - მას დაზიანებები სახის არეში ეტყობა. მომხდარის შესახებ გაბიტაშვილი სოციალურ ქსელში...