გიორგი მარგველაშვილმა ისე დაასრულა პრეზიდენტობის ვადა, რომ ვერ გაბედა თუ არ ისურვა უკანონოდ, პოლიტიკური და სხვა მოტივებით დევნილი ადამიანების შეწყალება, სხვებთან ერთად მან უკანონო პატიმრობაში დატოვა დეკანოზი გიორგი მამალაძეც.
ჭყონდიდის მიტროპოლიტმა საქართველოს მე-4 პრეზიდენტს უპრინციპო და უსინდისო უწოდა. აღნიშნული კომენტარი მეუფე პეტრემ მას შემდეგ გააკეთა, რაც მას შეკითხვა დეკანოზ მამალაძის შეწყალებასთან დაკავშირებით დაუსვეს. არსებობდა მოლოდინი, რომ გიორგი მარგველაშვილი თავისი საპრეზიდენტო ვადის დასრულებამდე „ციანიდის საქმეზე“ მსჯავრდებულ დეკანოზს შეიწყალებდა თუმცა ეს ასე არ მოხდა:
„ყოფილი პრეზიდენტი არის უპრინციპო და უსინდისო ადამიანი“- განაცხადა მეუფე პეტრემ.