,,ქართულ ოცნებაში” კეთდება პირველი განცხადებები ეკა ბესელიას მიერ იურიდიულ საკითხთა კომიტეტის დატოვებასთან დაკავშირებით

0
362
ეკა ბესელიას მიერ იურიდიულ საკითხთა კომიტეტის დატოვებას პრემიერი, მამუკა ბახტაძე ეხმაურება. პრემიერმა მთავრობის სხდომის დაწყების წინ საგანგებო ბრიფინგზე განაცხადა, რომ კომიტეტის დატოვება ეკა ბესელიას პირადი გადაწყვეტილებაა, რის უფლებაც მას აქვს.
 
მამუკა ბახტაძემ ასევე შეაფასა ბესელიას მიერ წასვლასთან დაკავშირებით გაკეთებული განმარტება, რომელმაც აღნიშნა, რომ მისი წასვლა იუსტიციის უმაღლესი საბჭოს მიერ განსახილველად წარდგენილი კანდიდატების სიას უკავშირდება.
 
პრემიერის თქმით, სახელმწიფო ინსტიტუციები დამოუკიდებლად, სხვების ჩარევის და კარნახის გარეშე უნდა მუშაობდეს.
 
„ეს არის ქალბატონი ეკას პირადი პოზიცია და ბუნებრივია, მას აქვს ამის უფლება და მე ვფიქრობ, მან გააკეთა განმარტება… ჩემი პოზიცია აუცილებლად და ყოველთვის იქნება ის, რომ აღმასრულებელი ხელისუფლება არასდროს არ უნდა ჩაერიოს ხელისუფლების სხვა შტოში მიმდინარე პროცესებში. ამ შემთხვევაში, როდესაც ჩვენ ვსაუბრობთ სასამართლოზე თქვენ მოგეწონებათ, რომ როგორც ხდებოდა, ქვეყნის პირველი პირები ურეკავდნენ მოსამართლეებს და თავის მოსაზრებებს ეუბნებოდნენ, მე ვფიქრობ, ეს არის სრულიად მიუღებელი. ღმერთმა არ ქნას, რომ ყველა საკითხზე იყოს აზრთა ერთობლიობა. ჩვენ გვაქვს ჩვენი ეროვნული ინტერესები და პოლიტიკური გუნდი არის თანხვედრაში ამ ინტერესებთან დაკავშირებით,“ – ამბობს მამუკა ბახტაძე.
 
 
საპარლამენტო უმრავლესობის წევრი გედევან ფოფხაძე რომელიც არაოფიციალური ინფორმაციით ეკა ბესელიას შემცვლელად შეიძლება ვიხილოთ, მიიჩნევს, რომ ეკა ბესელიას გადაწყვეტილება პრინციპულია, რომელიც ქვეყნის მომავალთანაა დაკავშირებული. როგორც გედევან ფოფხაძემ ჟურნალისტებთან საუბარში განაცხადა, არ შეიძლება ქართული მართლმსაჯულება ჩაუვარდეთ საეჭვო გზით არჩეულ ადამიანებს.
 
„მიმაჩნია, რომ ეს ეკა ბესელიას ძალიან პრინციპული გადაწყვეტილებაა. ეს გადაწყვეტილება დაკავშირებულია ჩვენი ქვეყნის მომავალთან. არ შეიძლება ქართული მართლმსაჯულება ჩავუგდოთ საეჭვო გზით არჩეულ საეჭვო ადამიანებს. პროცესი უნდა ყოფილიყო გაწერილი და პასუხისმგებლობის გრძნობით მოვპყრობოდით ამ საკითხს. არავითარ შემთხვევაში კომიტეტის სხდომა არ შეიძლებოდა ჩატარებულიყო ამ კვირაში და ეკა ბესელია იყო ადამიანი, რომელმაც უზრუნველყო ის, რომ მოსამართლეთა შერჩევის დაჩქარებული პროცედურა ვერ განხორციელებულიყო. ეს არის მაღალი მორალური სტანდარტით და ქვეყნის მომავალი ინტერესებით ნაკარნახევი გადაწყვეტილება“, –განაცხადა გედევან ფოფხაძემ, 
 
 

წინა სტატიაკათოლიკოს პატრიარქმა თავი შეიკავა ,,ციანიდის საქმეზე” მსჯელობისაგან. ,, მიმაჩნია, რომ არასწორი და არაჯეროვანია მსგავსი გადაწყვეტილება.“- აღნიშნა მეუფე პეტრემ.
შემდეგი სტატიასირიაში საქართველოს მოქალაქე 14 წლის მუხმად ფარეულიძე დაიღუპა
ტელეკომპანია ოდიშის საინფორმაციო სამსახური