საპატრიარქოში სინოდის სხდომის დასრულების შემდეგ მცირე კომენტარი გააკეთა ჭყონდიდის მიტროპოლიტმა.
მეუფე პეტრე იმედოვნებს, რომ საქართველოს ეკლესია აუცილებლად დაუჭერს მხარს უკრაინელი ხალხის სწორ მოთხოვნას:
„ეკლესია აუცილებლად დაუჭერს მხარს ყველა სამართლიან გადაწყვეტილებას და უკრაინელი ხალხის სწორ მოთხოვნას. აზრთა სხვადასხვაობა იყო და ვიმსჯელეთ ამ თემაზე“- განაცხადა მეუფე პეტრემ.
რაც შეეხება „ციანიდის საქმეზე“ მსჯელობას, მიტროპოლიტის თქმით, მან წმიდა სინოდის სხდომაზე დააყენა "ციანიდის საქმის" განხილვის საკითხი, მაგრამ. აღნიშნული თემის განხილვისგან საქართველოს კათოლიკოს პატრიარქმა თავი შეიკავა.
მეუფე პეტრემ ამ გადაწყვეტილებას სამწუხარო და არასწორი უწოდა:
„სამწუხაროდ, ამ თემის განხილვაზე კათოლიკოს პატრიარქმა თავი შეიკავა. ძალიან გულდასაწყვეტია და მიმაჩნია, რომ არასწორი და არაჯეროვანია მსგავსი გადაწყვეტილება.“- აღნიშნა მეუფე პეტრემ.