დღეს მოსულმა უხვი თოვლის ნალექმა სვანეთში პრობლები შექმნა. ამ დროისთვის რამდენიმე სოფელი გარესამყაროს მოწყვეტილია. მესტიის მუნიციპალიტეტის სოფლები ლეგაბი, ლაღამი, ლაროოლი, ლალაიდი, ბეჩო და ლენჯერი ელ.ენერგიის გარეშეა დარჩენილი. როგორც მესტიის მკვიდრი ანა ჩართოლანი აცხადებს, თოვლი ნახევარ მეტრზეა, რასაც პრობლემები მოყვა : ,,თოვლი ნახევარი მეტროა, ბავშვები იყინებიან, ხელისუფლება სრულიად მოუმზადებელი შეხვდა ზამთარს. სახლში ვერ ავდივართ, არც შუქი გვაქვს,,, – ამბობს ანა ჩართოლანი. რაც შეეხება ენერგო პრო ჯორჯიას, როგორც საზოგადოებასთან ურთიერთობის სამსახურში აცხადებენ, ბრიგადები გასულია ადგილზე და სანამ ბოლო აბონენტი არ ჩაირთვება, სამუშაოები არ შეწყდება.ამ დროისთვის ელ.ენერგია მხოლოდ მესტიის ცენტრს მიეწოდება.