დღეს თბილისში., რკინიგზის სადგურის მიმდებარე ტერიტორიაზე, დასავლეთ საქართველოსკენ მოძრავი ავტობუსების და მიკროავტობუსების მძღოლები საპროტესტო აქციას გამართავენ. ინფორმაციას გაერთიანებული პროფკავშირები ავრცელებს. აქცია კომპანია ”მეტრო +“-ის წინააღმდეგ ტარდება, რომელმაც ზუგდიდის მიმართულებით რკინიგზის სადგურიდან მგზავრთა გადაყვანა დაიწყო. პროფკავშირების ინფორმაციით, შესაძლოა ზუგდიდისკენ მიმოსვლა რამდენიმე საათით შეფერხდეს. „აქცია შედგება კომპანია ”მეტრო +”ის წინააღმდეგ, რომელმაც სრულიად უკანონოდ ზუგდიდის მიმართულებით რკინიგზის სადგურიდან დაიწყო მგზავრთა გადაყვანა. ადგილზე ჩადგეს ბორბლებიანი ჯიხური, რომელიც ვითომდა ავტოსადგურია. ეს რიგით მეორე საპროტესტო აქციაა, რომელიც ერთი კვირის განმავლობაში აღნიშნული საკითხის გადაწყვეტის მოთხოვნით გაიმართება“,- ნათქვამია განცხადებაში.
თბილისსა და ზუგდიდს შორის მიმოსვლა შესაძლოა რამდენიმე საათით შეფერხდეს – თბილისში მიმდინარეობს მძღოლების საპროტესტო აქცია ,,მეტრო+ ”- ის წინააღმდეგ
Published on