ზუგდიდის მერიის ეკონომიკისა და ინფრასტრუქტურის სამსახურის ხელმძღვანელ თენგიზ ქობალიას,რომელიც გუშინ დააკავეს, სასამართლომ პატიმრობა შეუფარდა.დაკავებულის ადვოკატი იოსებ ჯანაშია აცხადებს, რომ სასამართლომ არ გაითვალისწინა მოთხოვნა გირაოს თაობაზე, მისი თქმით , სასამართლომ უარი თქვა 60 ათასი ლარის ოდენობის გირაო შესთავაზებაზე უძრავი ქონების გარანტიით.ადვოკატის თქმით, მისი დაცვის ქვეშ მყოფი თავს უდანაშაულოდ მიიჩნევს და დუმილის უფლებას იყენებს.,,განმარტეს, რომ მაღალი საჯარო ინტერესის გამო უნდა დარჩეს პატიმრობაში. პეოკურატურა ითხოვდა პატიმრობას და სასამართლომ ამ ნაწილში პროკურატურის ინტერესი დააკმაყოფილა,, – განაცხადა იოსებ ჯანაშიამ. მასთან ერთად პატიმრობაში დატოვეს მეორე დაკავებული ხუტა ბაღათურია, რომელიც ასევე ბრალს არ აღიარებს. მერიის ეკონომიკური პოლიტიკისა და სერვისების მართვის სამსახურის უფროსი თენგიზ ქობალია და მოქალაქე ხუტა ბაღათურია სუს- ის ანტიკორუფციულმა სამსახურმა 24 დეკემბერს დააკავა, ორივე მათგანს ბრალად დანაშაულის შეუტყობინებლობა და ცრუ ჩვენების მიცემა ედებათ. გამოძიება მიმდინარეობს საქართველოს სსკ-ის 376-ე მუხლით და 370-ე მუხლის მე-3 ნაწილით, რაც სასჯელის სახით ითვალისწინებს თავისუფლების აღკვეთას 3-დან 7 წლამდე ვადით. ქობალიასა და ბაღათურიას დაკავებას წინ უძღოდა კორუფციული გარიგებებისთვის ზუგდიდის ყოფილი მერის ლაშა გოგიასა და ვიცე მერის, გია გულორდავას დაკავება.