ადვოკატმა დავით კირკიტაძისთვის პატიმრობის შეფარდება სააპელაციო სასამართლოში გაასაჩივრა

0
426
. დღეს დილით გაერთიანებული ოპოზიციის ერთ-ერთი ლიდერის, დავით კირკიტაძის ადვოკატმა ალექსანდრე მგელაძემ გურჯაანის რაიონულ სასამართლოს სააპელაციო საჩივრით მიმართა.
 
დაცვის მხარე მიიჩნევს, რომ კირკიტაძის პატიმრობაში დატოვება მოსამართლის მხრიდან იყო უკანონო და დაუსაბუთებელი. კირკიტაძის ინტერესების დამცველი სააპელაციო სასამართლოსგან პირველი ინსტანციის გადაწყვეტილების გაუქმებას მოითხოვს.
 
„გურჯაანის რაიონული სასამართლოს მიერ მიღებული გადაწყვეტილება არის უკანონო და დაუსაბუთებელი. უფრო მეტიც, ეს ორმაგი სტანდარტი არის, შერჩევითი სამართალი არის, მაშინ, როდესაც იგივე ფაქტთან დაკავშირებით, ზუსტად იგივე მუხლით შეეფარდა გირაო სხვას, დავით კირკიტაძის მიმართ გამოყენებული არის პატიმრობა. სააპელაციო საჩივარში სრულად გვაქვს დასაბუთებული თუ რა ნორმები არის სისხლის სამართლის პროცესის დარღვეული და შესაბამისად, მაქვს მოლოდინი იმის, რომ მიიღებს წარმოებაში და შეცვლის გადაწყვეტილებას,“ – განაცხადა ალექსანდრე მგელაძემ.
 
მიიღებს თუ არა წარმოებაში საჩივარს სასამართლო, მოგვიანებით გაირკვევა.
 
20 დეკემბერს ველისციხესთან მომხდარი ინციდენტის გამო, კირკიტაძე მოსამართლე დავით ნარიმანიშვილმა პატიმრობაში დატოვა. ოპოზიციის ერთ-ერთ ლიდერს პოლიციელზე ძალადობას ედავებიან.
წინა სტატიაზუგდიდის რაიონულმა სასამართლომ ლევან შონიას საჩივარი ანა წითლიძისა და მურთაზ ზოდელავას წინააღმდეგ ნაწილობრივ დააკმაყოფილა
შემდეგი სტატიადაუდგენელმა პირმა ვენის ტურისტულ უბანში ცეცხლი გახსნა. არის მსხვერპლი
ტელეკომპანია ოდიშის საინფორმაციო სამსახური