ზუგდიდის მუნიციპალიტეტის საკრებულოს რიგგარეშე სხდომაზე ახალი ააიპ-ის შექმნის საკითხი განიხილეს, რომელსაც აზრთა სხვადასხვაობა მოყვა. ,,მიუხედავად იმისა, რომ ოპოზიცია მუდმივად ეწინააღმდეგება იმას, რომ შემცირდეს ბიუროკრატიული ხარჯები, მაინც დღემდე ვერ მივაღწიეთ კონსესუსს იმაზე, რომ შემცირდეს ეს ააიპ -ები. არა აქვს მნიშვნელობა რომ ეს არის რეგიონული ააიპი, მაინც მუნიციპალიტეტს მოუწევს ამ ხარჯების დაფარვა. ჩვენ ვითხოვთ მერიისგან პასუხს, რატომ გახდა აუცილებელი დამატებითი სამსახურის შექმნა და რას გააკეთებს ტურიზმის მიმართულებით ეს სამსახური.,, – განაცხადა ფრაქცია ,,ერთიანი ნაციონალური მოძრაობის,, თავმჯდომარე ანა წითლიძემ.ოპოზიციური პარტია საკითხის ინიციატორთან შეხვედრას და განმარტებებს ითხოვს. საკითს ასევე მხარი არ დაუჭირა ,,ევროპულმა საქართველომ,,. 2019 წლის ბიუჯეტში კონკრეტულად ტურიზმის განვითარებისთვის 20 ათასი ლარია გამოყოფილი.