საქართველოს პრეზიდენტმა დღეს ცენტრალური საარჩევნო კომისიის თავმჯდომარეობის სამი კანდიდატი უნდა დაასახელოს. გუშინ გამართულ შეხვედრაზე არასამთავრობო ორგანიზაციებმა სალომე ზურაბიშვილს 4 კანდიდატი შესთავაზეს.
ესენი არიან ცესკოს მოქმედი თავმჯდომარე თამარ ჟვანია, ცესკოს მდივანი გიორგი ჯავახიშვილი,„სამოქალაქო საზოგადოებისა და დემოკრატიის განვითარების ცენტრის“ ხელმძღვანელი ვლადიმერ ბოჟაძე და მთავრობის ადმინისტრაციის თანამშრომელი მარიამ შელეგია. ელეგია „ქართული ოცნების შემომწირველთა სიაში ირიცხება. მან პარტიას 2013 წელს 10 ათასი ლარი შესწირა.
დასახელებული კანდიდატებიდან სალომე ზურაბიშვილმა ცესკოს სამი უნდა წარუდგინოს. საარჩევნო ადმინისტრაციის წევრებმა კი ფარული კენჭისყრის შედეგად ერთი უნდა დაამტკიცონ. ამისთვის ცესკოს 4 წევრის თანხმობა იქნება საჭირო.