გახარია საპარლამენტო ტრიბუნიდან იმუქრება: დათო კირკიტაძე სწორად „ჩავაგდეთ“ და სხვებსაც „ჩავაგდებთ“

0
399
გიორგი გახარია ამბობს,რომ ველისციხეში კონფლიქტს პოლიციელებზე თავდასხმის სახე ჰქონდა და რეაგირებაც შესაბამისი იყო.
 
„ამ კონფლიქტს ჰქონდა თავდასხმის სახე პოლიციელებზე, ამ ფაქტმა კიდევ უფრო გაზარდა რადიკალიზაციის ხარისხი და მე მგონი, არავის უნდა უკვირდეს ის ზომები, რაც მიიღო პოლიციამ. მიმდინარეობს დამატებითი ფაქტების შესწავლა და როცა გამოვლინდება დამატებითი ფაქტები ყველა იქნება დასჯილი.
 
„რა სტატუსის მატარებელიც არ უნდა იყოს და ვინც არ უნდა იყოს, როდესაც პოლიციელზე ხდება ფიზიკური ძალადობა ამას ექნება ადეკვატური პასუხი.  
 
არ მაინტერესებს რა იყო ადრე, ერთი, ორი და ხუთი წლის წინ, ამის შემდგომ ყველამ უნდა იცოდეს, რომ სახელმწიფო ინსტიტუტებზე და პოლიციელებზე თავდასხმა იქნება დასჯილი. არ აქვს მნიშვნელობა რომელი პოლიტიკური ძალა, ან რომელი პოლიტიკური ძალის წარმომადგენელი იქნება, იმ შემთხვევაში, როდესაც სამართალდამცველი სისტემის წარმომადგენელზე იქნება თავდასხმა შედეგი იქნება იმაზე უფრო მკაცრი,. დათო კირკიტაძე სწორად „ჩავაგდეთ“ და სხვებსაც „ჩავაგდებთ“, ვინც ამას დაიმსახურებს, “-განაცხადა გახარიამ.
 
მანამდე კი „ნაციონალური მოძრაობის“ წევრმა თინა ბოკუჩავამ გახარიას უთხრა, რომ ახალქალაქში თავდასხმაში დამნაშავეებს ხელს აფარებენ, ხოლო დავით კირკიტაძე წინასწარი დაკავების იზოლატორში „ჩააგდეს“.
წინა სტატიაგახარია ოპოზიციის შეკითხვებს ცინიზმით პასუხობს: ,, არ გადამრიოთ, რა მაგრები ხართ… ამას ვეძახი მე თქვენს ფსევდო ინტელექტუალურ ცეკვებს კამერების წინ”
შემდეგი სტატიაშოთა მესხიას ზუგდიდის სახელმწიფო სასწავლო უნივერსიტეტში CIO-ს პროგრამის პრეზენტაცია გაიმართა
ტელეკომპანია ოდიშის საინფორმაციო სამსახური