კონსტანტინე და ცოტნე გამსახურდიები უკვე მეექვსე დღეა პროკურატურის მისაღებში შიმშილობენ და ძალოვან უწყებებს საქართველოს პირველი პრეზიდენტის ზვიად გამსახურდიას მკვლელობის ისტორიული საქმის გამოძიებისკენ მოუწოდებენ.
გამსახურდიების ოჯახის ადვოკატის ამირან გიგუაშვილის თქმით, ისინი საქართველოს მთავარი პროკურორის პოზიციას ელოდებიან.
„ერთადერთი ვისთანაც შესაძლებელია ეს შეხვედრა განხორციელდეს და ვინც შეიძლება ამ საქმეზე გადაწყვეტილება მიიღოს, ეს არის საქართველოს მთავარი პროკურორი. დღემდე ველოდებით ჩვენ მის პერსონალურ პოზიციას. განსაკუთრებული პასუხისმგებლობა უნდა, თუ არა, ეკისრება დღევანდელ ხელისუფლებას, ვის დროსაც, ვის ხელშიც იხურება ეს ისტორიული საქმე. ჩვენ ვაპირებთ კონკრეტული ქმედებების განხორციელებას. ეს პირველ რიგში რა თქმა უნდა, დაკავშირებულია ადამიანის უფლებათა ევროპული სასამართლოსათვის მიმართვას, რათა საქმის გამოუძიებლობის გამო დაეკისროს პასუხისმგებლობა ხელისუფლებას,“ – აცხადებს გიგუაშვილი.
31 დეკემბერს, ქვეყნის პირველი პრეზიდენტის, ზვიად გამსახურდიას მკვლელობის საქმე შესაძლოა ხანდაზმულობის გამო დაიხუროს, რასაც პრეზიდენტის ოჯახის წევრები აპროტესტებენ. კონსტანტინე და ცოტნე გამსახურდიებს ამ დრომდე არცე ერთი ძალოვანი უწყების წარმომადგენელი არ შეხვედრია.
გამსახურდიები დღის 02:00 საათზე საგანგებო განცხადებას გააკეთებენ.