ზუგდიდში, უფასო სასადილოს ბენეფიციარებმა საპროტესტო აქცია გამართეს. ისინი ინდმეწარმე „თემურ ქვარცხავას“ დაბრუნებას ითხოვენ, რომელიც გასულ წელს კვებით უზრუნველყოფდა უფასო სასადილოს. აქციის მონაწილეები ადგილობრივ ხელისუფლებას დახმარების თხოვნით მიმართავენ და ამბობენ, რომ მათი სურვილია სასადილო საკვებით კვლავ ინდმეწარმე „თემურ ქვარცხავამ“ მოამარაგოს, რომელიც მათ დღემდე ემსახურებოდა და არ მიეცეს შპს „ეფექტს“ მერიის მიერ გამოცხადებული ტენდერში მოგების საშუალება.ზუგდიდის მერიაში აცხადებენ, რომ „უფასო სასადილოს კვებაზე ტენდერი დასრულებული არ არის, მიმდინარეობს შერჩევა-შეფასების ეტაპი, გამარჯვებულად გამოვლინდება ის კომპანია, რომელიც ტენდერით გათვალისწინებულ მოთხოვნებს დააკმაყოფილებს. სატენდერო ღირებულება 74 ათას ლარამდეა. ტენდერი შესყიდვაზე 5 დეკემბერს გამოცხადდა და 11 დეკემბერს წინადადებების მიღება დაიწყო, დასრულდა 13 დეკემბერს.,“-აცხადებენ მერიაში.