თბილისის საქალაქო სასამართლომ უფლებამოსილების ბოროტად გამოყენებაში ბრალდებული შინაგან საქმეთა სამინისტროს ყოფილი მაღალჩინოსნები, ირაკლი ფირცხალავა, გურამ დონაძე, ზაზა ბაქრაძე, ზურა მიქაძე და დავით იაშვილი დამანაშავედ ცნო.

 

გურამ დონაძეს პატიმრობა 5 წლითა და 3 თვით მიესაჯა. აეკრძალა თანამდებობის დაკავება 2 წლით და 3 თვის ვადით.

 

დავით იაშვილს სასჯელის სახედ 5 წლისა და 3 თვის ვადით თავისუფლების აღკვეთა, ხოლო 2 წლისა და 3 თვის ვადით თანამდებობის დაკავება აეკრძალა.

 

ზურა მიქაძეს სასჯელის სახით 6 წელი და 3 თვით თავისუფლების აღკვეთა, ხოლო 2 წლით და 3 თვის ვადით თანამდებობის დაკავების აკრძალვა მიესაჯათ.

 

ირაკლი ფირცხალავას სასჯელის სახით თავისუფლების აღკვეთა 5 წლით და 3 თვით განესაზღვრა. 2 წლით და 3 თვის ვადით სახელმწიფო თანამდებობის დაკავება აეკრძალა.

 

ზაზა ბაქრაძეს საპროცესო შეთანხმება გაუფორმდა. მას სასჯელის სახით განესაზღვრა პირობითი მსჯავრი 4 წლითა და 6 თვის ვადით, ასევე ჯარიმა 5 000 ლარის ოდენობით და 2 წლით ჩამოერთვა თანამდებობის დაკავების უფლებ.

 

მოსამართლე დავით მგელიაშვილის განაჩენის გამოცხადების შემდეგ ყოფილი მაღალჩინოსნები გურამ დონაძე, ზურა მიქაძე და დავით იაშვილი სასამართლო დარბაზშივე დააკავეს., ირაკლი ფირცხალავა კი , როგორც ცნობილია, სხვა საქმეზე უკვე მსჯავრდებულია

.