გიორგი ვაშაძე: ,,ქვეყანაში მყარდება ოლიგარქიული დიქტატურა, რომლის მიზანია, პოლიტიკური ლიდერების დაპატიმრება”

0
411
გაერთიანებული ოპოზიციის ერთ-ერთი ლიდერი გიორგი ვაშაძე დავით კირკიტაძის დაკავების ფაქტს ეხმაურება და აცხადებს, რომ ხელისუფლება კიდევ უფრო მეტ საქმეს ამზადებს სხვადასხვა პოლიტიკოსების დასაპატიმრებლად.
 
„ძალა ერთობაშიას“ წარმომადგენლები დღეს დიპლომატიური კორპუსის წარმომადგენლებს ხვდებიან:
 
„ჩვენ ახლა შევხვდით ამერიკის საელჩოს პოლიტიკურ ოფიცერს, რომელსაც მივაწოდეთ დეტალური ინფორმაცია, თუ რა ხდება ქვეყანაში. ქვეყანაში მყარდება ოლიგარქიული დიქტატურა, რომლის მიზანია, პოლიტიკური ლიდერების დაპატიმრება. როგორც ჩანს, ის პროვოკაცია, რაც მათ ველისციხეში მოგვიწყვეს გათვლილი იყო, რომ როგორმე საკუთარი თავისთვის შეექმნათ სამართლებრივი საფუძველი, რომ ციხეში ჩასვან ხალხი.
 
დღეს ჩვენ სხვადასხვა ინფორმაციებს ვიღებთ შინაგან საქმეთა ორგანოების მხრიდან. ისინი როგორც ჩანს, კიდევ უფრო მეტ საქმეს ამზადებენ სხვადასხვა პოლიტიკური ლიდერების დაპატიმრებასთან დაკავშირებით. შესაბამისად, ყველა მტკიცებულებას ვაცნობთ დიპლომატიურ კორპუსს და ვითხოვთ მათგან მკვეთრ რეაგირებას“, – განაცხადა ვაშაძემ.
 
დღეს აქცია არ გვექნება, – დასძინა მან.  
 
„ყოველდღიურ რეჟიმში გვიწევს გეგმების ცვლილება. გუშინ ჩვენ არ ველოდით, რომ დავით კირკიტაძეს დააკავებდნენ. ხვალ იქნება სასამართლო პროცესი, როგორც ვიცით, თუ ესეც ჩუმად არ ჩაატარეს. დღეს ჩვენი მთავარი ამოცანაა, დასავლურ სამყაროს ვაცნობოთ, რომ ძალიან სწრაფი და მყისიერი რეაქცია იყოს მათი მხრიდან. დღეს აქცია არ გვექნება. დღევანდელი დღე გვაქვს იმისთვის, რომ სამართლებრივად ყველაფერი დავალაგოთ, რომ შესაბამისი ინფორმაცია მიიღოს დიპლომატიურმა კორპუსმა მთელი მსოფლიოს მასშტაბით", – განაცხადა ვაშაძემ

წინა სტატიაბრალდებული გიორგი ფასიეიშვილი, რომელიც თავს უდანაშაულოდ მიიჩნევდა და შიმშილობა გამოაცხადა, გარდაიცვალა
შემდეგი სტატიანინო ბურჯანაძე: „ქართული ოცნება“ წაილეკება და რევოლუცია იქნება გარდაუვალი, თუ ივანიშვილმა საარჩევნო გარემოს შეცვლაზე უარი თქვა”
ტელეკომპანია ოდიშის საინფორმაციო სამსახური