კახეთში განვითარებული მოვლენები – ძალადობრივ ინციდენტთან და ოპოზიციის წევრების დაკავებასთან დაკავშირებით განცხადება ევროკავშირის ელჩმა საქართველოში, კარლ ჰარცელმა გააკეთა.
ევროკავშირის ელჩი ხელისუფლებასა და ოპოზიციას დიალოგისკენ მოუწოდებს:
„მნიშვნელოვანია, რომ გამოხატვის უფლება დაცული იყოს და ამავდროულად, გამოხატვის უფლებით სარგებლობა იყოს მშვიდობიანი. ეს არის ის, რასაც მომავალში ორივე მხარისგან ველოდებით. ადრეც განვაცხადე, რომ ჩვენი სურვილია, შეიკრიბოს ორივე მხარე და დაიწყონ მოძიება თუ რა გაკვეთილი ისწავლეს საპრეზიდენტო არჩევნებიდან გამომდინარე. ასევე, მნიშვნელოვანია გამოვლენილი ხარვეზებიც მოგვარდეს. ევროკავშირი აქ არის იმისთვის, რომ ხელი შეუწყოს ამ პროცესს. ჩვენ ვიმედოვნებთ, რომ მოვლენები მომავალში სწორედ ასე განვითარდება,“ – აცხადებს კარლ ჰარცელი.