მოშიმშილე ზვიად გამსახურდიას ოჯახს სოლიდარობა შვილმოკლულმა მამებმა გამოუცხადეს

0
363
როცა არის ასეთი ამბავი, მთელი ქვეყანა უნდა გამოვიდეს და უნდა მოითხოვოს, რომ იქნას ბოლოს და ბოლოს გამოძიებული ეს საქმე – ეს განცხადება, მოკლული თემირლან მაჩალიკაშვილის მამამ, მალხაზ მაჩალიკაშვილმა ზვიად გამსახურდიას საქმის შესახებ საუბრისას გააკეთა.
 
ზვიად გამსახურდიას საქმე ხანდაზმულობის ვადის ამოწურვის გამო, შესაძლოა დაიხუროს. სწორედ ამ მიზეზით, საქართველოს პირველი პრეზიდენტის ოჯახის წევრებმა პროკურატურასთან შიმშილობა დაიწყეს.
 
საქართველოს პირველი პრეზიდენტის ოჯახს პროკურატურასთან სოლიდარობა შვილმოკლულმა მამებმა გამოუცხადეს.  
 
„როცა არის ასეთი ამბავი, მთელი ქვეყანა უნდა გამოვიდეს და უნდა მოითხოვოს, რომ იქნას ბოლოს და ბოლოს გამოძიებული ეს საქმე. ვიყავი მოვალე აქ მოვსულიყავი, ამ ხალხს დავდგომოდი გვერდში და ამიტომ მოვედი. მეორეც, ზვიად გამსახურდია ჩვენთვის ძალიან ახლო ადამიანი იყო. მის დაკრძალვაზეც, მის გარემოცვაშიც გროზნოში, ჩეჩნეთში ბევრჯერ ვყოფილვარ. თავად ბატონ ზვიად გამსახურდიასაც ვიცნობდი და მის შვილებსაც,“ – განაცხადა მალხაზ მაჩალიკაშვილმა.
წინა სტატიასაინაუგურაციო პროტოკოლისა და წესების შესახებ პრეზიდენტის ბრძანებულებაში ცვლილება შევიდა
შემდეგი სტატიათელავში ინაუგურაციის რეპეტიციას მოსახლეობის დაზარალება მოჰყვა – ქვემეხიდან გასროლამ ფანჯრის მინები ჩაამტვრია
ტელეკომპანია ოდიშის საინფორმაციო სამსახური