მთავარისიახლეებისაზოგადოება"დიახ, ეს არის მკვლელობა და პასუხი უნდა აგოს ყველამ, ვინც დამნაშავეა" -...

“დიახ, ეს არის მკვლელობა და პასუხი უნდა აგოს ყველამ, ვინც დამნაშავეა” – მე-6 საჯარო სკოლის დირექტორი ია კერზაია დღეს უკანასკნელ გზაზე გააცილეს [Video]

Published on

ზუგდიდის მე-6 საჯარო სკოლის დირექტორი ია კერზაია, რომლის ოჯახიც ხელისუფლებას საპრეზიდენტო არჩევნების პერიოდში მასზე ზეწოლაში ადანაშაულებს, დღეს დაკრძალეს. ზუგდიდის ივერიის ღვთისმშობლის სახელობის მშენებარე ტაძარში, სადაც დღეს სკოლის დირექტორი იყო დასვენებული, გამოსამშვიდობებლად უამრავმა ადამიანმა მოიყარა თავი. სკოლის დირექტორი უკანასკნელ გზაზე გაერთიანებული ოპოზიციის ლიდერემაც გააცილეს. ია კერზაიას ხსოვნას პატივი მიაგო საქართველოს ყოფილმა ლედიმ სანდრა-ელისაბედ რულოვსმაც. პოლიტიკოსებმა ია კერზაიას გარდაცვალება შეაფასეს როგორ მკვლელობა. ნიკანორ მელიას თქმით: „დამნაშავეა ყველა, ვინც ზეწოლას ახორციელებდა სკოლის დირექტორზე, დაწყებული გახარიათი, რომელიც წინასაარჩევნო პერიოდში ატერორებდა სკოლის დირექტორებსა და პედაგოგებს, რასაც ია კერზაიას სიცოცხლე შეეწირა. ეს არის გახმაურებული ერთი შემთხვევა და ასეთი უამრავი ფაქტი არსებობს. ხელისუფლებას არ ეყო იმის სინდისი, რომ ეთქვათ გამოძიების შესახებ რამე, ერ კიდევ არა აქვს პროკურატურას დაწყებული გამოძიება, ხელისუფლებიდან მხოლოდ 4 ადამიანმა გაბედა და თქვა ის, რომ აუციელებლია გამოძიება და ისიც ისეთებმა, ვინც ბაჩანა შენგელიას მეგობრები არიან…დიახაც, ეს არის მკვლელობა და ის აუცილებლად უნდა იქნას გამოძიებული“- განაცხადა ნიკანორ მელიამ. მომხდარის შფასება გააკეთა ასევე გაერთიანებული ოპოზიციის ლიდერმა გიორგი ვაშაძემ, რომელმაც დღევანდელ დღეს უმძიმესი უწოდა.
ია კერზაია ინსულტის დიაგნოზით ქუთაისის ინტერვენციული მედიცინის ცენტრის რეანიმაციაში იყო მოთავსებული.ია კერზაიას შვილი ბაჩანა შენგელია აცხადებდა, რომ მისი დედის ჯანმრთელობის მდგომარეობა მას შემდეგ გაუარესდა, რაც არჩევნების პირველი ტურის შემდეგ განათლების სამინისტრომ მე-6 სკოლაში ინსპექტირების ჩატარება გადაწყვიტა. ბაჩანა შენგელიას თქმით, ინსპექტირების საფუძველი გახდა ის, რომ ია კერზაიამ „ქართულ ოცნებას“ მხარდამჭერთა სიების მიწოდებაზე უარი უთხრა. შენგელია ამბობდა, რომ სკოლაში ინსპექტირების სამსახური დირექტორის „დასასჯელად“ შევიდა.
 
 
 

სიახლეები

სახალხო დამცველმა მზია ამაღლობელის საქმეზე ექიმთა ჯგუფი შექმნა

6 თებერვალს საქართველოს სახალხო დამცველმა, მზია ამაღლობელისთვის პენიტენციური სამსახურის (მათ შორის, კონტრაქტორი კლინიკ(ებ)ის) მიერ...

“დაასრულე მილიცია, დაასრულე რეჟიმი, თავისუფლება სინდისის პატიმრებს” – თსუ-ში პროტესტია

თბილისის სახელმწიფო უნივერსიტეტის პირველ კორპუსთან სოლიდარობის აქცია იმართება - ახალგაზრდები გამთენიისას დაკავებულ აჩი გოჩიტაშვილის,...

“საგანგაშო მდგომარეობაა და ყოველთვის შეიძლება, გართულება იყოს – დღეს ჩვენთან დარჩება, სავარაუდოდ, ხვალაც დარჩება” – ჩხაიძე მზია ამაღლობელზე

"ვივამედის" კლინიკური დირექტორის, ზურაბ ჩხაიძის ინფორმაციით, "ბათუმელებისა" და "ნეტგაზეთის" დამფუძნებელი, მზია ამაღლობელი დღეს და...

“საჯარო სამსახურის შესახებ კანონში შეტანილი ცვლილებები ეწინააღმდეგება საკონსტიტუციო სასამართლოს პრაქტიკას – ნეგატიურია, აუარესებს დასაქმებულთა უფლებრივ მდგომარეობას” -საია

"საქართველოს ახალგაზრდა იურისტთა ასოციაცია" "ქართული ოცნების" მიერ საჯარო სამსახურის შესახებ კანონში ცვლილებებთან დაკავშირებით განცხადებას...