ქუთაისი-ვანის გზაზე მიკროავტობუსი გადაბრუნდა. დაშავებული 8 ადამიანი

0
429
ავტოსაგზაო შემთხვევა ქუთაისი – ვანის გზაზე – დილის 7 საათზე მიკროავტობუსი გადაბრუნდა. თვითმხილველების თქმით, მიკროავტობუსს ცხენებმა გადაურბინეს, რა დროსაც სატრანსპორტო საშუალება სავალი ნაწილიდან გადავიდა და ამობრუნდა.
 
 
სასწრაფო-სამედიცინო ცენტრის ინფორმაციით, შემთხვევას მსხვერპლი არ მოჰყოლია, თუმცა 8 ადამიანი დაშავდა.
 
"ერთ–ერთმა უარი განაცხადა სამედიცინო დახმარებაზე, დანარჩენ შვიდს კი ადგილზე გაეწია პირველადი სამედიცინო დახმარება. დაშავებულებს სხვადასხვა დაზიანება აქვთ. მათგან 3 გადაყვანილია ქუთაისში, ცხაკაიას კლინიკაში, დანარჩენი კი თბილისში ინგოროყვას კლინიკაში," – აცხადებენ სასწრაფო სამედიცინო დახმარებაში.
 
საქართველოს შინაგან საქმეთა სამინისტროს ინფორმაციით, შემთხვევაზე გამოძიება სისხლის სამართლის კოდექსის 276–ე მუხლის პირველი ნაწილითაა დაწყებული, რაც სატრანსპორტო საშუალების ექსპლოატაციის წესების უგულებელყოფას გულისხმობს.
წინა სტატია“ნაციონალურმა მოძრაობამ” და “ევროპულმა საქართველომ” ცესკოს სხდომა პროტესტის ნიშნად დატოვეს
შემდეგი სტატიავინ დაესწრება სალომე ზურაბიშვილის ინაუგურაციას უცხოეთის ქვეყნების მაღალი რანგის პირთაგან?
ტელეკომპანია ოდიშის საინფორმაციო სამსახური