მთავარისიახლეებისაზოგადოებაგიორგი მარგველაშვილის ადმინისტრაციის ყველა თანამშრომელი უმუშევარი რჩება.

გიორგი მარგველაშვილის ადმინისტრაციის ყველა თანამშრომელი უმუშევარი რჩება.

Published on

გიორგი მარგველაშვილის ადმინისტრაციის ყველა თანამშრომელი უმუშევარი რჩება. მმართველი გუნდი სახელდახელო საკანონმდებლო ცვლილებებს ამზადებს, რომელიც სალომე ზურაბიშვილს საშუალებას მისცემს, პრეზიდენტის ადმინისტრაციის 160 თანამშრომელი სახლში კომპენსაციისა და ახსნა განმარტებების გარეშე გაუშვას და ახალი თანამშრომლებიც ყოველგვარი კონკურსის გარეშე მიიღოს. ცვლილება “საჯარო სამსახურის შესახებ” კანონის 58-ე მუხლში შედის და მისი მიხედვით, ადმინისტრაციის ყველა თანამშრომელი ვალდებული იქნება, გააფორმოს ადმინისტრაციული ხელშეკრულება და შესაბამისად, ისინი აღარ ჩაითვლებიან საჯარო მოხელეებად. აღნიშნული კანონპროექტი საპროცედურო კომიტეტის სხდომაზე უნდა განხილულიყო, თუმცა, ის გადაიდო. საქართველოს პრეზიდენტის საპარლამენტო მდივანი, ანა ნაცვლიშვილი, იმედს გამოთქვამს, რომ პარლამენტი ამ კანონპროექტს მხარს არ დაუჭერს. ანა ნაცვლიშვილი აცხადებს, რომ აღნიშნული ცვლილება ეწინააღმდეგება საჯარო სამსახურის რეფორმას, რომელიც გულისხმობს იმას, რომ პოლიტიკური ხელმძღვანელობის ცვლილებასთან ერთად, არ იცვლებოდნენ კომპეტენტური კადრები. „იდეა თავისთავად არის ძალიან არასწორი. არღვევს ძალიან ბევრ პრინციპს. უპირისპირდება ინსტიტუციურ მდგრადობას იმიტომ, რომ საჯარო სამსახურის რეფორმის მთელი სულისკვეთება იყო ის, რომ პოლიტიკური ხელმძღვანელობის ცვლილებასთან ერთად არ იცვლებოდნენ კომპეტენტური კადრები. პირიქით, ხდებოდეს ამ ადამიანებში ცოდნის, გამოცდილების დაგროვება და სახელმწიფო ინსტიტუტები ეფექტურად აგრძელებდნენ ფუნქციონირებას პოლიტიკური ხელმძღვანელობის ცვლილების მიუხედავადაც. ეს ინიციატივა მთლიანად ეწინააღმდეგება ამ არსს და აქედან გამომდინარე, ძალიან ცუდი, ძალიან საშიში, ძალიან არასწორი იდეაა. ძალიან დიდი იმედი მაქვს, რომ ამ უთავმოყვარეო და ძალიან არაკომპეტენტურ ნაბიჯს საქართველოს პარლამენტი მხარს არ დაუჭერს,“ -განაცხადა ანა ნაცვლიშვილმა.

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...