ზუგდიდის მე-6 საჯარო სკოლის დირექტორის გარდაცვალებასა და წინასაარჩევნოდ მასზე განხორციელებულ შესაძლო პოლიტიკურ ზეწოლაზე, პოლიტიკური განცხადებები გაკეთდება პარლამენტის ბიუროს სხდომაზე.
საპარლამენტო უმცირესობა ყურადღების გამახვილებას არჩევნებთან დაკავშირებულ დარღვევებზე აპირებს.„დავაყენებთ საკითხებს რომლებიც ეხება არჩევნებთან დაკავშირებით განხორციელებულ უპრეცენდენტო ზეწოლებს საჯარო მოხელეებზე. ეს გამოიხატა კონკრეტულ უმძიმეს დარღვევებში რასაც შეეწირა ადამიანი ზუგდიდის მე-6 სკოლის დირექტორი ია კერზაია, ჩვენ "ევროპული საქართველო" ვაპირებთ, რომ დავსვათ შესაბამისი თანამდებობის პირების პასუხისმგებლობის საკითხი,“-ამბობს „ევროპული საქართველოს“ წევრი ოთარ კახიძე.