გაერთიანებული ოპოზიცია „ძალა ერთობაშია“ სალომე ზურაბიშვილის რეგისტრაციიდან მოხსნას ითხოვს.ამის შესახებ განცხადება საგანგებო ბრიფინგზე გიორგი ვაშაძემ გააკეთა. გაერთიანებული ოპოზიცია სასამართლოს სარჩელით მიმართავს. გიორგი ვაშაძის განცხადებით, ამას საარჩევნო კოდექსის 47-ე მუხლი ითვალისწინებს, სადაც ამომრჩევლის მოსყიდვაზეა საუბარი.გიორგი ვაშაძემ მაგალითად კარტოფილის, ხახვის, მეორადი ტანსაცმლის დარიგება მოიყვანა, ასევე 600 ათასი მოქალაქისთვის ვალების ჩამოწერის დაპირებაც. ვიდეო მტკიცებულებები სასამართლოში იქნება წარდგენილი.