"ზარაფხანამ" ეკატერინე ჭავჭავაძის სამკაულის ინსპირაციით შექმნილი კოლექცია შექმნა – ინფორმაციას ამის შესახებ რუსთავი 2 ავრცელებს.
ახალ კოლექციას "ეკატერინე ჭავჭავაძე" ეწოდება , იგი ფირუზის თვალით ოქროს 15 უნიკალური აქსესუარისგან შედგება. ესენია ბეჭედი, საყურე, ბროში, ყელსაბამი და სამაჯური, ყველა უმაღლესი ხარისხის ოქროთია შესრულებული.
ზარაფხანას ახალი კოლქცია დღეიდან საექსპოზიციო სივრცეში სოლო ლაუნჯში გადადის. შესაბამისად დამთვალიერებელს მისი ნახვა დღეიდან შეეძლება.
ეკატერინე ჭავჭავაძის სამკაულების გაცოცხლება, ზარაფხანამ სულ ცოტა ხნის წინ დაიწყო. კომპანიის სამხატვრო საბჭოს მიერ კოლექციის დამტკიცების შემდეგ, უნიკალური ნაკეთობების დამზადების პროცესი დაიწყო.
