გიორგი ვაშაძე აცხადებს, რომ გრიგოლ ვაშაძე საქართველოს პრეზიდენტის ინაუგურაციას არ დაესწრება

0
375
გრიგოლ ვაშაძე სალომე ზურაბიშვილის ინაუგურაციას არ დაესწრება, – ამის შესახებ გაერთიანებული ოპოზიციის წევრმა გიორგი ვაშაძემ განაცხადა.
 
„ხელისუფლებასა და მის წარმომადგენლებს, რომლებიც მხოლოდ და მხოლოდ დესტრუქციით არიან დაკავებულები, რომლებიც ჩიხიდან და კრიზისიდან გამოსვლისთვის ყოველგვარ მოლაპარაკებაზე უარს ამბობენ, ვფიქრობ, აბსოლუტურად ადეკვატური პასუხი იქნება, რომ გრიგოლ ვაშაძე ინაუგურაციას არ დაესწროს. მითუმეტეს, რომ ჩვენ ამ არჩევნების შედეგებს არ ვაღიარებთ. ერთი რამ უნდა გვესმოდეს, რომ დესტრუქციულად და არაკონსტრუქციულად „ქართული ოცნება“ იქცევა. ეს 2012 წლიდან მოყოლებული მათი სტანდარტი იყო და დარწმუნებული ვარ, ქვეყანაში ეს სტანდარტი მალე დასრულდება“, – განაცხადა გიორგი ვაშაძემ.
 
საქართველოს არჩეული პრეზიდენტი სალომე ზურაბიშვილი აცხადებს, რომ გრიგოლ ვაშაძეს იმ შემთხვევში მიიწვევს ინაუგურაციაზე, თუ არჩევნებში მის გამარჯვებას აღიარებს.
 
წინა სტატიაგაეროში შეერთებული შტატების ელჩის თანამდებობას ჰიზერ ნოიერტი დაიკავებს
შემდეგი სტატიაზეწოლა ამომრჩეველზე და თავდასხმები ოპოზიციის მხარდამჭერებზე – ოპოზიცია დიპლომატებს ხვდება
ტელეკომპანია ოდიშის საინფორმაციო სამსახური