სალომე ზურაბიშვილს არ აქვს სრული ლეგიტიმაცია ხალხისგან – ეს განცხადება ფრაქცია "საქართველოს პატრიოტების" თავმჯდომარემ, გიორგი ლომიამ გააკეთა.
დეპუტატის თქმით, ის სალომე ზურაბიშვილის ინაუგურაციაზე არ მივა და არ აქვს ინფორმაცია, დაესწრება თუ არა ღონისძიებას "პატრიოტთა ალიანსის" რომელიმე ლიდერი.
გიორგი ლომიას განცხადებით, ზურაბიშვილი არ არის მეფის შთამომავალი და მისთვის გაუგებარია, რატომ უნდა გაიმართოს ინაუგურაციის ცერემონია ერეკლე მეფის სასახლეში.
ლომია ამბობს, რომ თბილისში ინაუგურაციის ჩატარებაზე უარი იმით იყო განპირობებული, რომ ხელისუფლება არეულობას გაექცა.
„ღიად ვაცხადებ, რომ ჩვენ გავაკეთეთ არჩევანი ცუდსა და უარესს შორის. ჩემი ადგილი მანდ არ არის და არ მივალ. პარტიის პოზიციაზე ვერ გესაუბრებით. თუ „თუ პატრიოტთა ალიანსიდან“ რომელიმე ლიდერი მივა, ეს მისი საქმეა. ვფიქრობ, რომ ალბათ, არეულობას აარიდეს თავი. არ ვთლი, რომ ქალბატონი სალომე მეფის სასახლეში უნდა ატარებდეს ინაუგურაციას. არც მეფის შთამომავალია და არც საქართველოს მიერ სრული ლეგიტიმაცია არ მიუღია. ეს იყო იძულებითი ლეგიტიმაცია, რომელიც მისცა ად გამოიცხადა ჩვენმა მოსახლეობამ,“- განაცხადა ლომიამ