გაერთიანებულმა ოპოზიციამ სხვა ოპოზიციურ პარტიებთან კონსულტაციები გამართა. შეხვედრის დასრულების შემდეგ „ძალა ერთობაშიას“ საპრეზიდენტო კანდიდატმა გრიგოლ ვაშაძემ ჟურნალისტებთან შეხვედრის დეტალებზე ისაუბრა:
„ყველა ოპოზიციური პარტია მხარს უჭერს სამ მოთხოვნას – ვადამდელ საპარლამენტო არჩევნებს, საარჩევნო კომისიების დაკომპლექტების წესის ძირეულ ცვლილებას და პროპორციულ საარჩევნო სისტემაზე გადასვლას. ყველა მომდევნო არჩევნები დღევანდელი ე.წ. ხელისუფლების პირობებში დაემსგავსება იმ უმსგავსობას, რაც მოხდა მეორე ტურში. ეს მხოლოდ ოპოზიციის ანუ პოლიტიკური ორგანიზაციების მოთხოვნა კი არ არის, ეს არის მოქალაქეების მოთხოვნა. მოქალაქეებს ყელში ამოუვიდათ სიღარიბეში ცხოვრება, აღარ უნდათ ამ ადამიანებს ასე ცხოვრება",- განაცხადა ვაშაძემ.