სინოპტიკოსები კვირის ბოლომდე საქართველოში არამდგრად, წვიმიან ამინდს პროგნოზირებენ.  გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსის  სვეტლანა ნიორაძის  განცხადებით, 

 

4-5 დეკემბერს დასავლეთ საქართველოში თბილი და უნალექო ამინდია მოსალოდნელი. თუმცა, 4 დეკემბერს აღმოსავლეთის მიმართულების ქარი გაძლიერდება, რომლის სიჩქარე წამში დროგამოშვებით 17-22 მეტრი იქნება. დასავლეთ საქართველოში დღისით ჰაერის მაქსიმალური ტემპერატურა 15-20 გრადუსია მოსალოდნელი.

 

4-5 დეკემბერს აღმოსავლეთ საქართველოს ზოგიერთ რაიონში, მათ შორის თბილისში მოსალოდნელია წვიმა, მაღალმთიან რაიონებში თოვლი. აღმოსავლეთ საქართველოში დღისით ჰაერის მაქსიმალურიტემპერატურა 8-13 გრადუსი იქნება.

 

6-7 დეკემბერს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში იწვიმებს, დასავლეთ საქართველოს მაღალმთიან რაიონებში მოთოვს, აღმოსავლეთ საქართველოს მაღალმთაში თოვლჭყაპია მოსალოდნელი.

 

6-7 დეკემბერს დასავლეთ საქართველოში დღისით ჰაერის მაქსიმალური ტემპერატურა 9-14 გრადუსი იქნება, აღმოსავლეთ საქართველოში – 10-15 გრადუსი.

 

8-9 დეკემბერს დასავლეთ საქართველოში გამოიდარებს, აღმოსავლეთ საქართველოს ზოგიერთ რაიონში კი, წვიმიანი ამინდი შენარჩუნდება, მაღალმთაში მოთოვს.