ზუგდიდის მუზეუმის დირექტორი აცხადებს, რომ გათავისუფლებულ გიდს სამსახურში ვერ აღადგენს :" მე გამიუქმეს 3 შტატი, მარტო ზოდელავა კი არ არის გათავისუფლებული, სულ 3 თანამშრომელია, მაგრამ იმათ არ უჩივლიათ. არც ბიუჯეტი მაქვს და არც შტატი, რომ აღვადგინო, ამიტომ ელზა ზოდელავას მოუწევს ჩემთან კი არა, კულტურის სამინისტროსთან პოლემიკა, თუ დამიმატებენ შტათს, აღვადგენ"- განაცხადა ზუგდიდის მუზეუმის დირექტორმა ლილი ბერაიამ. ზუგდიდის მუზეუმის გათავისუფლებულმა გიდმა აღდგენის შესახებ გადაწყვეტილება კანცელარიას გადასცა. უზენაესმა სასამართლომ 2017 წლის 1 თებერვალს სამსახურიდან გათავისუფლებული გიდი სამსახურში აღადგინა და ელზა ზოდელავამ დღეს ქუთაისის სააპელაციო სასამართლოს გადაწყვეტილება მუზეუმის კანცელარიაში მიიტანა.