ბრიუსელში ნატო-ს საგარეო საქმეთა მინისტრების მინისტერიალი იხსნება

0
482
დღეს, ბრიუსელში ნატო-ს საგარეო საქმეთა მინისტრების მინისტერიალი იხსნება, რომელშიც მონაწილეობას მიიღებს საქართველოს საგარეო საქმეთა მინისტრი დავით ზალკალიანი.
 
მინისტერიალის ფარგლებში, დღეს ჩრდილოატლანტიკური საბჭოს შეხვედრა გაიმართება საქართველოსა და უკრაინის საგარეო საქმეთა მინისტრებთან.
 
გუშინ გამართულ პრესკონფერენციაზე ნატო-ს გენერალურმა მდივანმა იენს სტოლტენბერგმა განაცხადა, რომ „ნატო-ს შავ ზღვაში ორი ღირებული პარტნიორი- საქართველო და უკრაინა ჰყავს და ნატო შავი ზღვის უსაფრთხოებასთან დაკავშირებულ საკითხებზე მუშაობს“.
 
„ჩვენ ვმუშაობთ საქართველოს შეიარაღებული ძალების მოდერნიზებაზე, თავდაცვისუნარიანობის გაძლიერებაზე. ნატო ასევე მუშაობს საქართველოსთან საზღვაო ძალებისა და სანაპირო დაცვის სამსახურის გაძლიერებაზე“, – განაცხადა იენს სტოლტენბერგმა.
 
თავის მხრივ, აშშ-ს სახელმწიფო დეპარტამენტის წარმომადგენელმა ჰიზერ ნაუერტმა განაცხადა, რომ აშშ-ს სახელმწიფო მდივანი მაიკ პომპეო მონაწილეობას მიიღებს ნატო-ს საგარეო საქმეთა მინისტრების მინისტერიალზე, სადაც განხილული იქნება ალიანსის თანამშრომლობა საქართველოს და უკრაინასთან.
წინა სტატიაგადაცემა ,,თეზისი”. სტუმარი მწერალი ანა კორძაია სამადაშვილი
შემდეგი სტატია“ხანდაზმულობის გამო შავი სიიდან ამოღებულ ადამიანებს შავ სიაში ხელახლა წერენ” – რომან გოცირიძე
ტელეკომპანია ოდიშის საინფორმაციო სამსახური