სახალხო დამცველი მზად არის ზუგდიდის მეექვსე საჯარო სკოლის დირექტორის საქმე შეისწავლოს

0
360
სახალხო დამცველი მზად არის, ზუგდიდის მეექვსე საჯარო სკოლის დირექტორის ია კერძაიას საქმე შეისწავლოს, – ამის შესახებ ნინო ლომჯარიამ შესაბამისი კითხვის საპასუხოდ განაცხადა.
 
მისი თქმით, ომბუდსმენის ოფისს ჰქონდა მცდელობა ინფორმაციის გავრცელებისთანავე ჩართულიყო საქმეში, თუმცა მაშინ სკოლის დირექტორმა ამისთვის მზაობა არ გამოთქვა.
 
„როდესაც მისი შვილის მიერ გავრცელდა, რომ ხორციელდებოდა ზეწოლა ოჯახის წევრზე, ჩვენ დავუკავშირდით მას და ასევე გვქონდა სატელეფონო კომუნიკაცია ქალბატონთან. იმ ეტაპზე სამწუხაროდ, უარი განგვიცხადა თანამშრომლობაზე, მაგრამ თუ არსებობს დღემდე ეს სურვილი, ჩვენ მზად ვართ, რომ დავიწყოთ ამ საქმის შესწავლა“, – განაცხადა ლომჯარიამ.
 
შეგახსენებთ, სოციალური ქსელის საშუალებით, რამდენიმე დღის წინ ზუგდიდის მეექვსე საჯარო სკოლის დირექტორის, ია კერზაიას შვილმა ინფორმაცია გაავრცელა, რომ დედამისის მიმართ პოლიტიკური ანგარიშსწორება მიმდინარეობდა.
წინა სტატიასამხედრო პოლიციის ყოფილ უფროსს მეგის ქარდავას საექსტრადიციო პატიმრობა შინაპატიმრობით შეეცვალა
შემდეგი სტატია“reuters”: “ადმინისტრაციული რესურსების ბოროტად გამოყენებამ კიდევ უფრო ბუნდოვანი გახადა ზღვარი პარტიასა და სახელმწიფოს შორის”
ტელეკომპანია ოდიშის საინფორმაციო სამსახური