ჩვენ გვაქვს დემონსტრაციის უფლება, ადგილი არ გვითქვამს, შესაბამისად, არანაირად არ ვართ დამოკიდებული მერიის ნებართვაზე, – ამის შესახებ გაერთიანებული ოპოზიციის „ძალა ერთობაშია“ საარჩევნო შტაბის ხელმძღვანელმა გიორგი ვაშაძემ, 16 დეკემბერს აქციის გამართვის ლოკაციაზე დასმული კითხვის საპასუხოდ განაცხადა.
„მერიას მიტინგის ჩატარების ნებართვის არგაცემის უფლება არ აქვს. ჩვენ გვაქვს დემონსტრაციის უფლება, ადგილი არ გვითქვამს, შესაბამისად, არანაირად არ ვართ დამოკიდებული მერიის ნებართვაზე და ა.შ. ჩვენ უბრალოდ ვაცნობებთ მერიას და სამართალდამცავ ორგანოებს, მეტი არაფერი. მათგან თანხმობას და ნებართვას ჩვენ არ ველოდებით“,- განაცხადა ვაშაძემ.
შეგახსენებთ, რომ გაერთიანებულმა ოპოზიციამ გუშინდელ აქციაზე დაანონსა, რომ შესაძლოა, 16 დეკემბერს კვლავ გაიმართოს მათი აქცია, თუმცა ჯერ უცნობია, სად ჩატარდება აღნიშნული აქცია.
ახალმა ინფორმაციამ დაბადა კითხვა ინაუგურაციის სხვა ალაქში გადატანის მოტივთან დაკავშირებით. ხელისუფლება მიანიშნებს იმაზე, რომ გაერთიანებულ ოპოზიციას დესტაბილიზაცია ინაუგურაციის ჩაშლა სურს .
ეს სასაცილოდ არ ყოფნის გაერთიანებული ოპოზიციის საპრეზიდენტო კანდიდატს, გრიგოლ ვაშაძეს, რომლმაც "დღის ამბებში" განაცხადა, რომ , რომ ოპოზიცია სალომე ზურაბიშვილის ინაუგურაციის ჩაშლას არ აპირებს."სადაც უნდა იქ ჩაატარონ, გინდ ინგალაცია დაარქვან და გინდ ინაუგურაცია".
გრიგოლ ვაშაძე ასახელებს იმ მოთხოვნებს, რომელიც გაერთიანებულ ოპოზიციას ხელისუფლების მისამართით აქვს.