თბილისში ჩატარებულ საპროტესტო აქცია მსოფლიო მედიასაშუალებებმა გააშუქეს.
“საქართველოს არ ჰყავს პრეზიდენტი: ათასობით ადამიანი თბილისის ქუჩებში საპროტესტო აქციას მართავს” – სტატიას ამ სათაურით "BBC"-ის რუსული რედაქცია აქვეყნებს.
პუბლიკაციაში ნათქვამია, რომ ხალხი ქვეყანაში ჩატარებული საპრეზიდენტო არჩევნების გასაპროტესტებლად გაერთიანებული ოპოზიციის ორგანიზებით გამოვიდა.
ეუთო-ს სადამკვირვებლო მისიის კრიტიკულ შეფასებაზე, ადმინისტრაციული რესურსების გამოყენებისა და სახელმწიფოს თანხების გამარჯვებული კანდიდატის შესაძლო დაფინანსებაზე ამახვილებს ყურადღებას “deutshce welle”.
“reuters” კი კიდევ ერთხელ მოჰყავს საერთაშორისო დამკვირვებლების დასკვნები, რომლის მიხედვითაც "მმართველი პარტია" წინასაარჩევნოდ გაუმართლებელი უპირატესობით სარგებლობდა.
“ადმინისტრაციული რესურსების ბოროტად გამოყენებამ კიდევ უფრო ბუნდოვანი გახადა ზღვარი პარტიასა და სახელმწიფოს შორის”- წერია სააგენტოს პუბლიკაციაში