მთავარისიახლეებიპოლიტიკაია კერძაიას საქმე იყო საჩვენებელი დამსჯელი ღონისძიება წინასაარჩევნოდ ყველა დაუმორჩილებელი დირექტორისთვის-...

ია კერძაიას საქმე იყო საჩვენებელი დამსჯელი ღონისძიება წინასაარჩევნოდ ყველა დაუმორჩილებელი დირექტორისთვის- ევროპული საქართველოს” ლიდერი სერგო რატიანი

Published on

ევროპული საქართველოს" წევრი სერგო რატიანი ზუგდიდის მეექვსე საჯარო სკოლის დირექტორის საქმეს ეხმაურება.
რატიანი მოითხოვს, დღესვე უპასუხოს განათლების სამინისტრომ ყველა იმ კითხვას, რომლებიც პირდაპირ მიანიშნებენ პოლიტიკურ ანგარიშსწორებაზე და ახსნას მისი მოტივაცია.
 
"უკვე არაერთი შემთხვევაა, როცა განათლების სამინისტრო აუდიტის სამსახურს იყენებს სადამსჯელო საშუალებად. სწორედ ასე იმოქმედა ზუგდიდის მე-6 საჯარო სკოლასთან მიმართებაშიც. აუდიტის სამსახურის ვიზიტი ზუგდიდში სამინისტროში მოქალაქის განცხადების შემოსვლის დღესვე (8 ნოემბერი) დაიგეგმა და მეორე დღიდან (9 ნოემბრიდან) დაიწყო აღნიშნული სამსახურის მიერ სკოლის ეგრეთწოდებული შემოწმება, რაც უკვე საჩვენებელი დამსჯელი ღონისძიება იყო წინასაარჩევნოდ ყველა დაუმორჩილებელი დირექტორისთვის.
 
აუდიტის სამსახურის სადამსჯელო ჯგუფის ერთი და იგივე შემადგენლობა ფიგურირებს პოლიტიკური მოტივებით გათავისუფლებული საგანმანათლებლო სისტემის არაერთი წარმომადგენლის საქმეში, მათ შორის აღსანიშნავია თბილისის 51-ე და 53-ე საჯარო სკოლის დირექტორების გათავისუფლების საკითხი, რომლებშიც სასამართლომ უსაფუძვლოდ და არარელევანტურად ცნო აუდიტის სამსახურის მიერ წარმოდგენილი არგუმენტები და ორივე შემთხვევაში გააბათილა მათი გადაწყვეტილება.
 
ერთი და იგივე ფორმითა და დასკვნით 2012 წლიდან დღემდე ასზე მეტი საგანმანათლებლო სისტემის ხელმძღვანელი პირის გათავისუფლების საქმეა და მათთან დაკავშირებით არსებობს გონივრული ეჭვი თითოეულ საქმეში პოლიტიკური ანგარიშსწორების არსებობის შესახებ.
 
მოვითხოვ, დღესვე უპასუხოს განათლების სამინისტრომ ყველა იმ კითხვას, რომლებიც პირდაპირ მიანიშნებენ პოლიტიკურ ანგარიშსწორებაზე და ახსნას მისი მოტივაცია" – განაცხადა სერგო რატიანმა.

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...