"ოლიგარქმა დაგვიმტკიცა, რომ ბილბორდზე სტაფილო რომ დახატოს, სტაფილოს აარჩევინებს გაჭირვებულ ქართველს,“ – ამ განცხადებით პუბლიცისტმა, თაკო ჩარკვიანმა, რუსთაველის გამზირზე შეკრებილ მოქალაქეებს მიმართა.
ჩარკვიანის თქმით, კანონიერებისა და ლეგიტიმურობის ფარგლებში აქციები უნდა გაგრძელდეს.
„ლეგიტიმურობის ფარგლებში უნდა გაგრძელდეს აქციები, რადგან მე ჩამოვთლი, რა აკადრეს ჩვენს ქვეყანას. ოლიგარქმა დაგვიმტკიცა, რომ ბილბორდზე სტაფილო რომ დახატოს, სტაფილოს არჩევნებს გაჭირვებულ ქართველს…. ვინც აიძულეს, ვინც დააშინეს, ვისაც ოჯახებში შეუვარდნენ, მათ გამო ვდგავართ დღეს ქუჩაში. ეს აქცია ღირსების აქციაა, რადგან მომავალ თაობას უნდა ვუთხრათ, რომ არჩევნები – ეს არის ხმა უმთავრესი პიროვნებისა. შენ თუ ხარ ინდივიდი, უნდა დარჩე შენი ხმის არჩევის უფლებით. დღეს საქართველოში იუველირული გეგმით, რუსული თანხა შემოედინება. ცოტა ხანში გაბანტავენ ქვეყანას და არანაირი აქცია ჩვენ ოკუპირებულ ტერიტორიებს აღარ უშველის, რადგან საქართველოში დასვეს არალეგიტიმური რენეგატი,“ – განაცხადა თაკო ჩარკვიანმ