თბილისში, პარლამენტის შენობის წინ გაერთიანებული ოპოზიციის საპროტესტო აქცია დაიწყო. საზოგადოებას სიტყვით მიმართა ოპოზიციის საპრეზიდენტო კანდიდატმა გრიგოლ ვაშაძემ. მისი თქმით გაერთიანებული ოპოზიციის იურისტები ამზადებენ სასამართლოში შესატან სარჩელს იმასთან დაკავშირებით, რომ არჩევნების შედეგები ბათილად იქნეს ცნობილი:
„ის რაც საქართველოში მოხდა, ჩვენი ღირსების შეურაცხყოფაა, იმიტომ არა, რომ ჩვენ თანამდებობებისთვის ვიბრძვით, კონსტიტუცია გვაქვს და უფლებები, ამას ვპასუხობთ ერთი სიტყვით „კმარა“ . 28 ნოემებერს არჩევნები არ ჩატარებულა, ეს იყო კრიმინალური სპეცოპერაცია ქართველი ხალხის წინააღმდეგ. ჩვენ არჩევნებს ჩატარებულად არ ვაღიარებთ და მის შედეგებს არ ვცნობთ. საქართველოს პრეზიდენრი არ ჰყავს, პრეზიდენრტი ჰყავს ქურდულ ოცნებას და ივანიშვილს. ამჟამად გაერთიანებული ოპოზიციის და ჩვენი პარტიის იურისტები, დამიჯერეთ ძალიან მაღალკვალიფიციური იურისტები გვყავს, ამზადებენ სარჩელს, რომ არჩევნები იქნეს ცნობილი ბათილად.“-გაანცხადა გრიგოლ ვაშაძემ.