რა ბედი ელის ავლაბრის საპრეზიდენტო სასახლეს – ამ ეტაპზე სამი ვერსია ვრცელდება ესენია. პირველი – აღნიშნულ შენობაში რესპუბლიკის სასახლე განთავსდება. მეორე ვერსიით, ავლაბრის რეზიდენციაში საკონსტიტუციო სასამართლო გადმოვა. საუბრობენ პრივატიზაციზეც.
საპარლამენტო უმრავლესობაში აცხადებენ, რომ ამ საკითხზე მსჯელობა არ ყოფილა. თამარ ჩუგოშვილის აზრით, ავლაბრის რეზიდენციის პრივატიზება არ მოხდება.
„არ მგონია ამ სასახლის პრივატიზება სერიოზულად შეიძლება იქნას განხილული,“-ამბობს ჩუგოშვილი, თუმცა საპარლამენტო უმრავლესობის კიდევ ერთი წევრი ამბობს, რომ დასახელებულ ვერსიებს შორის, ყველაზე სწორი შენობის პრივატიზება იქნება.
გედევან ფოფხაძე მუზეუმის გახსნას არ გამორიცხავს.
იქ ხალხმა უნდა იაროს – ამბობს საპარლამენტო უმრავლესობის წევრი ლევან კობერიძე. მისი თქმით, შენობაში ქალაქის ინფრასტრუქტურული პროექტების პრეზენტაცია და განხილვა უნდა მოეწყოს.
„მოეწყოს სივრცე, რასაც დავარქმევდი თბილისის არქიტექტურის მომავალ პირობით სახელად. იქ გავმართავდი სივრცეს, სადაც იქნებოდა მსჯელობა ქალაქის მომავალ განვითარებასთან მიმართებაში,“-ამბობს კობერიძე.