ევროპული საქართველო სამომავლო შესახებ გადაწყვეტილებას დღეს მიიღებს. პარტია დღეს პოლიტსაბჭოს სხდომაზე იმსჯელებს, რა სტრატეგია ექნება პარტიას არჩევნების შემდეგ. გაერთიანებული ოპოზიციის მსგავსად, ევროპულ საქართველოშიც აცხადებენ, რომ საპრეზიდენტო არჩევნები არალეგიტიმურია და შექმნილი პოლიტიკური ვითარება უნდა შეიცვალოს. “გვყავს ვითომ არჩეული პრეზიდენტი, რომელიც არ ასახავს საქართველოს მოსახლეობის ნებას და ბუნებრივია, ეს ვითარება ითხოვს ყველა პასუხისმგებლიანი პოლიტიკური ძალისგან კონკრეტულ რეაგირებას და სწორედ ამაზე გვექნება ჩვენ მსჯელობა პოლიტსაბჭოს სხდომაზე… ამ ნაბიჯების მიზანი არის ქართული ოცნების ხელისუფლების შეცვლა,” – აცხადებს პარტიის ერთ-ერთი ლიდერი, სერგი კაპანაძე. როგორ უნდა მოხდეს ეს და რა გეგმები ექნება პარტიას ამ მიზნით, პოლიტსაბჭოს სხდომის დასრულების შემდეგ გახდება ცნობილი.