ხორავას ქუჩაზე მოკლული დავით სარალიძის მამა ზაზა სარალიძე საარჩევნო უბანზე საპროტესტო აქციიდან მივიდა. იგი დიდ დიღომში #38 საარჩევნო უბანზე ზაზა სარალიძე დედასთან ერთად იმყოფებოდა.
ზაზა სარალიძემ მოუწოდა მოქალაქეებს გონივრული გადაწყვეტილება მიიღონ:
„პირველი შემთხვევაა, როდესაც არჩევანს ვაკეთებ. დავდიოდი არჩევნებზე მანამდეც ოღონდ ბიულეტენს ვაუქმებდი. ამ შემთხვევაში, ადამიანს რომელმაც მე მიღალატა და ჩემს შვილს უღალატა, იმას ვერ დავუჭერდი მხარს. არასდროს არ მივცემდი ჩემს თავს უფლებას, რომ მისი თხოვნა გამეთვალისწინებინა, რომელმაც ჩემი თხოვნა არ გაითვალისწინა და კომისია დატოვა, სადაც მისი სიტყვა შეიძლება გადამწყვეტი ყოფილიყო,“-განაცხადა ზაზა სარალიძემ.