საქართველოს ყოფილმა პირველმა ლედიმ, სანდრა რულოვსმა საკუთარი არჩევანი უკვე დააფიქსირა. მან ხმა მთაწმინდაზე, 27-ე უბანზე მისცა. საქართველოს მესამე პრეზიდენტის, მიხეილ სააკაშვილის მეუღლის თქმით, მან ხმა ევროპული ღირებებულებებზე დაფუძნებულ პარტიას მისცა.
„ დღეს საპრეზიდენტო არჩევნების მეორე ტურია. ჩვენ კარგად ვნახეთ, ვინ როგორ პატივს სცემს ჩვენი მოქალაქეების თავისუფალ არჩევანს და მათ ღირებულებებს. მე ვთვლი, რომ დღევანდელი არჩევანი მოქალაქეებისთვის უნდა იყოს ძალიან ადვილი. მე ხმა მივეცი პროევროპულ, მრავალპარტიულ და ღირებულებებზე დაფუძნებულ კანდიდატს“, – განაცხადა სანდრა ელისაბედ რულოვსმა.„მე ვთვლი, რომ დღევანდელი არჩევანი უნდა იყოს მოქალაქისთვის ძალიან ადვილი. მე ხმა მივეცი, რა თქმა უნდა, პროევროპული, მრავალპარტიული და ღირებებულებებზე დაფუძნებულ პარტიას და კანდიდატს,“ – განაცხადა სანდრა რულოვსმა.
.
თავისი არჩევანი უკვე დააფიქსირა გაერთიანებული ოპოზიციის საპრეზიდენტო კანდიდატის გრიგოლ ვაშაძის მეუღლემ, პრიმა-ბალერინა ნინო ანანიაშვილმა.
ნინო ანანიაშვილის თქმით, მან არჩევანი შვილების მომავლისა და პენსიონერების კეთილდღეობის სასარგებლოდ გააკეთა.
„მინდა ყველას ვთხოვო, არ დაიზაროთ, მიდით და შეასრულეთ თქვენი მოქალაქეობრივი მოვალეობა. მე მივეცი ხმა ჩვენი შვილების მომავალს და ჩვენი პენსიონერების კეთილდღეობას. იმედია, რომ ყველაფერი კარგად იქნება.“- გაანცხადა ნინო ანანიაშვილმა.
ნინო ანანიაშვილმა არჩევნებში მონაწილეობა თბილისში მიიღო, მისი მეუღლე გრიგოლ ვაშაძე კი ხმას ქუთაისში აძლევს..