არჩევნების დასრულებამდე ორ საათზე ოდნავ მეტიღა დარჩა და ხელისუფლება ამომრჩეველზე ფსიქოლოგიურ ზეწოლას აძლიერებს .
არ არის სიმშვიდე ზუგდიდში!
საარჩევნო უბნებს კრიმინალები შეუსიეს, მოქალაქეებს ხმის მისაცემად საარჩევო ყუთებთან არ უშვებენ. უბნებში ღიად გადაადგილდებიან საჯარო მოხელეები და არც თავიანთ კანონსაწინააღმდეგო მოქმედებას იმჩნევენ, არც მათ მიერ მობილიზებული ძველი ბიჭების თავლებისა და დანების ტრიალს. პარალელურად ხმებს ყრიან, რომ ყველაფერი ქართული ოცნების მხარდაჭერილი კანდიდატის სასიკეთოდ მიდის და ამით ოპოზიციური კანდიდატის მხარდამჭერთა რიგებში მუხტის ჩახშობას ცდილობენ. ოცნებას ისე გაუჭირდა, რომ არც უცხოელი დამკვირვებლების და შედეგად მსოფლიო თანამეგობრობის ქვეყნების გარდუვალ უარყოფით რეაქციას უფრთხის.
ძალა, რომელსაც საკუთარი თავისა და რეიტინგის იმედი აქვს ასეთ ზომებზე არ მიდის.
ზუგდიდში, სალომე ზურაბიშვილის მხარდამჭერები ქალაქის ქუჩებში კოლონით გადაადგილდებიან. ავტომობილებზე მმართველი პარტიის მხარდაჭერილი კანდიდატის პლაკატებია გაკრული და "ქართული ოცნების" დროშებია განთავსებული. ამასთან, ისმის საყვირების ხმა.
