ცენტრალური საარჩევნო კომისიას, საპრეზიდენტო არჩევნების მეორე ტურისთვის, საოლქო და საუბნო საარჩევნო კომისიების მზადებას აფასებს.
განცხადება ცესკოს პრეს-სპიკერმა ანა მიქელაძემ გააკეთა. მისი თქმით, არჩევნების ჩასატარებლად სრულ მზადყოფნაშია 3703 საარჩევნო უბანი, მათ შორის საზღვარგარეთ და გამონაკლის შემთხვევაში შექმნილი უბანი.
28 ნოემბრის საპრეზიდენტო არჩევნებისთვის ამომრჩეველთა საერთო რაოდენობა 3 528 658-ია.
„საქართველოს პრეზიდენტის მეორე ტურისთვის ამომრჩევლები ხმას აძლევენ იმავე საარჩევნო უბანზე, რომელიც მათთვის გაიხსნა 28 ოქტომბრის არჩევნების პირველი ტურისთვის და სადაც ამომრჩევლებმა უკვე მიიღეს კენჭისყრაში მონაწილეობა. მნიშვნელოვანი, აღინიშნოს, რომ ხვალ საზღვარგარეთ გახსნილი საარჩევნო უბნები იმუშავებენ დამატებით და ხმის მიცემის პროცედურა გაგრძელდება შესაბამისი ქვეყნის ადგილობრივი დროით დღის 24 საათამდე, რაც ჩვენ თანამოქალაქეებს მისცემს მეტ შესაძლებლობას ისარგებლონ საკუთარი კონსტიტუციური უფლებით. ხვალ ამომრჩეველს გადაეცემა მხოლოდ ერთი საარჩევნო ბიულეტენი, რომელშიც მან უნდა შემოხაზოს მისთვის სასურველი, ასევე მხოლოდ ერთი კანდიდატის რიგითი ნომერი. იმ შემთხვევაში თუ შემოხაზულია ერთზე მეტი კანდიდატის რიგითი ნომერი, გადახაზულია ყველა კანდიდატი, ან არც ერთი კანდიდატის რიგითი ნომერი არ არს შემოხაზული, ასეთი ბიულეტენი გაბათილდება და არ ჩაითვლება ნამდვილ ხმებში,“ – აცხადებს ანა მიქელაძე.