„დღეს, ავღანეთში ორ საარჩევნო უბანზე, კერძოდ მაზარიშარიფისა და ბაგრამის საარჩევნო უბნებზე საქართველოს პრეზიდენტის არჩევნების მეორე ტური დასრულდა. არჩევნებში მონაწილეობა მიიღეს სამხედროებმა, რომლებიც ავღანეთში არიან დისლოცირებული. როგორც ცესკო-ს პრესსპიკერმა ანა მიქელაძემ განაცხადა, ხმის მიცემის პროცედურამ მშვიდ ვითარებაში, ექსცესების გარეშე ჩაიარა.
ზოგიერთი სამხედრო არ იმყოფებოდა უშუალოდ სამხედრო ბაზაზე. ისინი სამხედრო პოსტებზე იყვნენ. აქედან გამომდინარე, რათა თითოეულმა სამხედრომ შეძლოს ხმის მიცემა, სპეციალური ჯგუფის წევრებმა მათთან მიიტანეს გადასატანი საარჩევნო ყუთი. ამ დროისთვის ხმის მიცემა დასრულებულია და საარჩევნო ყუთი ბრუნდება ბაზაზე“, – განაცხადა ანა მიქელაძემ.
მისივე ინფორმაციით, ავღანეთში ჩატარებული არჩევნების ხმების დათვლა 28 ნოემბერს 20:00 საათის შემდეგ მას შემდეგ მოხდება, რაც მთელ საქართველოში დასრულდება ხმის მიცემის პროცედურა.